kanañ

Brezhoneg

Etimologiezh

Savet diwar kan.

Nes d'ar verb latin cantare.

Meneget er C'hatolikon (canaff).

Da geñveriañ gant ar verboù canu en kembraeg, cana en kerneveureg.

Verb

kanañ /ˈkãːnã/ verb kreñv eeun (anv-gwan-verb : kanet) (displegadur)

1. Teuler sonerezh gant ar vouezh (diwar-benn an dud).
   • Kan din da son goantañ. — (Fañch an Uhel, Gwerziou Breiz-Izel 2, An Oriant, 1874, p. 6.)
2. (Dre astenn-ster) Brudañ.
3. (Dre astenn-ster) Seniñ
4. Kanañ gwerz ar bazhadoù da ub: reiñ bazhadoù dezhañ
5. Kanañ meuleudi(où) da ub, da udb : e veuliñ.
   • [...], ne gleved anezo nemet o kana meuleudi da dud ar vro-ze, [...]. — (G. MILIN, Gwechall-goz e oa..., Kemper, 1924, p. 29.)
6. (Dre astenn-ster) Kanañ e jeu da unan bennak : lavarout e begement da unan bennak.
   • Me a gano e jeu da hennezh. — (Jules Gros, Le trésor du breton parlé Deuxième Partie, 1970, p. 230.)

kanañ verb gwan

1. Teuler sonerezh gant ar vouezh (diwar-benn an dud).
   • Me a gano deoc’h. — (Fañch an Uhel, Soniou Breiz-Izel 1, Pariz, 1890, 1971, p. 2.)
   • Job ha Lom a zeuas e ti ar skluzier, unan o kanañ hag an hini all o tiskanañ. — (Jakez Riou, An Ti Satanazet, Skridoù Breizh, 1944, p. 13.)
2. Teuler kri heson e spesad (pa gomzer eus loened 'zo).
   • [...] ur baradozig didrouz e-lec’h ne glever nemet al laboused o kanañ er girzhier. — (Jakez Riou, An Ti Satanazet, Skridoù Breizh, 1944, p. 10.)
3. Mont da ganañ : mont da sutal
4. Bezañ koustus da brenañ:
   • Bremañ, moarvat, ar botoù-lêr a gan ivez. TBP 4/123

Deveradoù

• diskanañ
• kanadeg
• kanadenn

• kaner
• kanerezh

• kanmeuliñ
• kanus

Troioù-lavar

• kanañ ar seizh seurt
• kanañ pouilh
• kanañ ur son all
• kanañ evel un eostig
• reiñ bec'h da ganañ

Krennlavarioù

• Amzer vrav pa gan an alc'hweder
  Pell hag uhel en aer
• Dibaot ar yar na goll he vi
  O kanañ re goude dozviñ
• Ur yar pa he devez dozvet a zo ret dezhi kanañ

Troidigezhioù

• alamaneg : singen ^(de)
• bambara : dongili da ^(*)
• dogoneg : ni ni ^(*)
• esperanteg : kanti ^(eo)
• galleg : chanter ^(fr)
• gresianeg : τραγουδώ ^(el) (tragudhó)
• ido : kantar ^(io) , extorsar ^(io)
• indonezeg : nyanyi ^(id) , bernyanyi ^(id)
• italianeg : cantare ^(it)
• kembraeg : canu ^(cy)
• kerneveureg : cana ^(kw)
• khmer : ច្រៀង ^(km)
• kinyarwanda : ririmba ^(rw) (kuririmba)
• kroateg : pijevati ^(hr)

• nederlandeg : zingen ^(nl)
• okitaneg : cantar ^(oc) , chantar ^(oc)
• poloneg : śpiewać ^(pl)
• portugaleg : cantar ^(pt)
• roumaneg : cânta ^(ro)
• rusianeg : петь ^(ru) (pet’)
• sámi an Norzh : lávlut ^(*)
• saozneg : to sing ^(en)
• serbeg : певати ^(sr)
• sinaeg : 唱 ^(zh) (chàng)
• skoseg : seinn ^(gd)
• spagnoleg : cantar ^(es)
• svedeg : sjunga ^(sv)
• tsolyáni : siunél ^(*)