selloù

Brezhoneg

Etimologiezh

Savet diwar an anv-kadarn sell hag an dibenn-ger -où.

Furm anv-kadarn

selloù /ˈsɛ.lːu/ gourel

1. Furm lies an anv-kadarn sell.
   • Me 'oa ma selloù war ar soudarded. — (PIPI 1908, p. 58.)
   • Dipitus e kavemp evelato selloù a-dreuz ha brizh-c'hoarzh ar re a ranke hon daremprediñ [...]. — (Jarl Priel, Amañ hag Ahont, Al Liamm, 1957, p. 100.)
   • Anaoudek-bras e oan d'an tonkadur peogwir e c'hellemp labourat a-gevret — da lavarout eo bezañ atav an eil gant egile, an eil o komz d'egile, selloù an eil o kejañ gant selloù egile ; [...]. — (Pêr Denez, Glas evel daoulagad c'hlas na oant ket ma re, Al Liamm, 1979, p. 22.)
2. Bezañ selloù un den war un dra:
3. Bezañ dindan selloù un den :
   • Dindan e selloù en em zispake un daolenn ha na oa arvar ebet da gaout diwar he fenn : ur gwall-zarvoud a oa c'hoarvezet e Porzh-Tuzeg ! — (Jakez Konan, Lannevern e kañv ha danevelloù all, Al Liamm, 1980, p. 58.)
4. Ober selloù da un den:
   • Ar mab henañ a dremenas da gentañ, o vragal, o vousc'hoarzhin eus ar briñsez hag oc'h ober dezhi selloù tener. — (Fañch an Uhel, Kontadennoù ar Bobl/3, Al Liamm, 1988, p. 96.)
5. Ober selloù ouzh un den pe ouzh un dra:
   • Ar pezh ne vir ket outañ da ober selloù karantezus ouzh Onenn. — (Brogarour, Onenn, Gwengamp, 1936, p. 86.)
6. Parañ selloù un den war un dra:
   • Goude un abadenn, evelato, e kleved maouezed, o selloù chomet paret war an tan, [...] — (Jakez Riou, Geotenn ar Werc'hez ha danevelloù all, Al Liamm, 1957, p. 91.)
7. Tec'hel selloù un den :
   • En dro-mañ ne oa arvar ebet : selloù Hagrid a dec'he dirak daoulagad Harry. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 148.)
8. Lemel, tennañ e selloù diwar un dra
   • [...] ; koulskoude, ne denne nag e zellou nag e zonj diwarni, nemet en desped d'ean. — (Erwan ar Moal, Pipi Gonto, Kemper, 1925, p. 171.)
9. Selloù a bep seurt:

   selloù a-dreuz : gant gwarizi

   selloù a-gorn : graet en un doare prim, oc'h ober van da chom hep sellout.

   selloù brav : hegarat

   selloù drouk, garv, taer : gant ar fulor

   selloù du, teñval : en un doare drouklaouen

   selloù fall : en un doare drouklaouen

   selloù put : en un doare drouk

   selloù tener : en un doare karantezus

   selloù dre-zindan : en un doare gourdrouzus

Troioù-lavar

• Bezañ brasoc'h e selloù eget e vouzelloù.

Troidigezhioù

• galleg : regards ^(fr)  gourel