edod
Brezhoneg
Etimologiezh
- Savet diwar ar bennrann ed- hag an dibenn-ger -od.
Furm verb
edod /eˈdoːt/
- Stumm lec'hiañ furm dic'hour ar verb bezañ/bout en amdremened an doare-disklêriañ
- A verk al lec'hiañ :
- Deuet oa an noz, debret oa koan, edot e kreiz ar pedennou diouc'h an noz pa zirollaz e Maner-al-Liorzou eur strollad soudarded dispac'herien. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 82.)
- Gant ur verb en dro-c'hraus :
- Pa welas edod o vont da gregiñ en aotrou person, e reas van da vezañ ker republikan hag ar soudarded, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 154.)
- An aotrou Troadeg, o welet edod o vont da zispenn paourkaezh ostiz an Dourdu, a lavaras her lezer da vont d'ar gêr. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 232.)
- Edot oc'h aoza lein pa glefcheur eul leue bian o tont enn ti en eur vlejal, rak lezet oa digor dor he graou var-n-ezhan. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 280.)
- ... d'ar mare m'edod oc'h ober al linenn houarn etre Karaez ha Kastellin ... — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 5.)
- D’ar merc’her edod, ha da veurz eo a veze marc’had e Pleiben. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 56.)
