na ... na ...

Brezhoneg

Etimologiezh

Savet diwar na (stagell genurzhiañ).

Troienn

na ... na ...

1. Troienn nac'h, gant na (stagell genurzhiañ) div wech (ne vez ket kemmadur ebet goude na ebet en droienn):
   • ... e kêr n'eus na koad, na lann da guzhat ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 20.)
   • ... holl hen anavezent , ha den ne falveze dezhañ na mont d'e di, na komz ur ger hepken outañ , na zoken teuler e zorn war ar pezh a vije bet etre e vizied. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 217.)
   • Fanch a oa evel-se etre daou, na trist na laouen. — (PIPI 1908, p. 24.)
   • -Ur biniou a zo ganez? - Na biniou na bombard. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 270.)
   • N'em eus serret na dor na prenestr na netra. — (Jules Gros, Le trésor du breton parlé Troisième Partie, 1974, p. 154.)
   • D'ar c'houlz-se ne oa gér a gafe, na gand pinvidig na gand paour. — (Jules Gros, Le trésor du breton parlé Troisième Partie, 1974, p. 241.)
   • Biskoazh n’eus bet na klevet na gwelet kemend-all, Tad Medar.

Gerioù heñvelster

• na ... na ... na ...
• nag ... nag ...

Troioù-lavar

-gant anvioù-gwan:

• na bihan na bras
• na fin na sot
• na gwan na kreñv
• na gwenn na du
• na klañv na yac'h
• na kriz na poazh
• na sklaer na teñval
• na tomm na klouar
• na tomm na yen
• na tost na pell
• na trist na laouen
• na yaouank na kozh

-gant anvioù-kadarn:

1. na biniou na bombard
2. (ober) na bramm na klemmadenn
3. (gouzout) na bu na ba

• na da Sul na da bemdez

1. (digeriñ) na dor na prenestr
2. (bezañ hep) na dor na prenn
3. (bezañ hep) na feiz na reizh
4. na gouloù na tan
5. (kaout) na ti nag aoz
6. (ober) na forzh na brall
7. (lavarout) na grik na mik
8. na kar na par
9. na mar na marteze
10. na mui na ken
11. na pinvidig na paour
12. na rak na perak
13. na si na gwri
14. na tamm na banne
15. na tamm na takenn, na tamm na banne
16. na yaouank na kozh

-gant verboù

1. na gwelet na klevet
2. na debriñ nag evañ
3. na kaozeal na tevel

Krennlavar

1. • Pa vez erc'h war an douar ne vez na tomm na klouar.

Divinadelloù

• Un tiig bihan gwenn n'en deus na dor na' prenn ? − Un ui. — (Jules Gros, Le trésor du breton parlé Troisième Partie, 1974, p. 330.)
• Petra a ya gand an hent hep na daoulagad na dent, hag a lavar stagañ ar c'hog hag ar yar ha lezel ar c'hi da harzal ? - Ar vuzugenn. — (Jules Gros, Le trésor du breton parlé Troisième Partie, 1974, p. 334.)