paouez d'ober

Brezhoneg

Etimologiezh

Eus ar verb paouez, an arogenn da, hag ar verb ober.

Troienn verb

paouez da ober / paouez d'ober

1. paouez gant un ober bennak:
   • Paouez a raio da vale pa vo skuizh, EGB
   • Paouezet eo da gomz, EGB
   • Eno e paouezjont da welet gwad, — (Fañch an Uhel, Kontadennoù ar Bobl/1, Al Liamm, 1984, p. 26.)
   • Ar soner a baouezas neuze da son, — (Fañch an Uhel, Kontadennoù ar Bobl/1, Al Liamm, 1984, p. 97.)
   • Hag e paouezjont neuze da em deurkañ, — (Fañch an Uhel, Kontadennoù ar Bobl/1, Al Liamm, 1984, p. 285.)
   • An dud ne baouezent ket da droiata en-dro dimp ; [...]. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 37.)
   • Ken saouzanet e voe Hagrid ma paouezas da ouelañ. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 313.)
2. gant ar verb-skoazell bezañ
   • Pa voe paouezet an diou skeudenn da ganan, an nor vras dirakan a zigoras. — (Erwan ar Moal, Pipi Gonto, Kemper, 1925, p. 10.)

Troidigezhioù

• galleg : cesser de faire ^(fr)
• saozneg : stop doing ^(en)

Notennoù

• Arabat droukveskañ gant bezañ o paouez ober.
• Implijet gant ar verb-skoazell bezañ en amzer-dremenet-kevrennek.