dibradañ

Brezhoneg

Etimologiezh

Savet diwar an anv-gwan dibrad hag al lostger -añ.

Verb

dibradañ /di.ˈbrɑː.dã/ verb gwan ha verb kreñv eeun (anv-gwan-verb : dibradet) (displegadur)
I. verb gwan

1. Sevel diwar an douar pe ur c'horreenn bennak.
   • Mont a reas a-c'haoliad war e skubellenn ha dibradañ kenkent. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 174.)
2. (Pemdez) Sevel diwar e wele.
3. (Dre astenn-ster) Loc'hañ.

II. verb kreñv eeun

1. Distekiñ (un dra bennak) diouzh an douar, al leur, ur c'horreenn bennak, ouzh e sevel.
2. (Dre astenn-ster) Loc'hañ.
3. (Dre astenn-ster) Reiñ lamm.
4. (Dre astenn-ster) Dibradañ ur banne : sevel ar werenn a-raok evañ ur banne.
5. (dre skeudenn-lavar) Kas (ur priz) gantañ.
6. (dre skeudenn-lavar) Laerezh.
7. (dre skeudenn-lavar) Dibradañ unan bennak : e lakaat en ur blijadur vras.

Gerioù heñvelster

• dibouezañ
• gorren

Troidigezhioù

• galleg : décoller ^(fr)
• galleg : partir ^(fr)
• galleg : (se) soulever ^(fr)
• galleg : soulever de terre ^(fr)