gweled
Brezhoneg
Etimologiezh
- (Anv-kadarn) → Etimologiezh da glokaat (Ouzhpennañ)
- (Furm verb) Savet diwar gwel-, pennrann ar verb gwelet pe gwelout, hag an dibenn-ger -ed
Anv-kadarn
gweled /ˈɡɥeːlet/ /ˈɡwɛːlet/ (hollek) gourel
- Eus ar pemp skiant, an hini a ro tu da welet
- Netra nemet ar gweled anezhi a oa a-walc'h evit laouenaat kalonoù ar re a oa trist, [...]. — (Fañch an Uhel, Kontadennoù ar Bobl/1, Al Liamm, 1984, p. 58.)
- Gweladenn
- Ober, rentañ ur gweled da unan bennak.
- An eil diaoul. — « Mari Karreg-al-Louarn, deuet omp da rentañ ur gweled deoc'h. » — (Jakez Riou, An Ti Satanazet, Skridoù Breizh, 1944, p. 56.)
Troidigezhioù
Furm verb
gweled /ˈɡɥeːlet/ /ˈɡwɛːlet/
- Furm dic'hour ar verb gwelet/gwelout en amdremened an doare-disklêriañ
- Gant ur c'hemmadur dre vlotaat (war-lerc'h ar rannig-verb a, ar rannig-verb nac'h ne da skouer) :
- [...] : ne velet nemet guez dibennet, kleuziou freuzet, parkeier turriet evel pa viche bet e pep hini kant penn-moc'h gouez oc'h ober ho ebad. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 2.)
- [...], ne weled a-gleiz hag a-zehou nemet ar pennou o tistaga, [...]. — (G. MILIN, Gwechall-goz e oa..., Kemper, 1924, p. 32.)
- En he sklaerañ doare edo al loar, met dre ma 'z oa mouchet ar prenestroù gant stalafoù prenn ha stignoù voulouz tev, ne weled takenn er gambr. — (Jarl Priel, An Teirgwern Pembroke, Al Liamm, 1959, p. 18.)
- Ne weled neuze, war an torchoueroù hag ar serviedoù ledet war ar barlennoù, nemet torzhoù bara, skudelladoù amann, krampouezh sec'h, moñsadoù kig-sall, anduilh, silzig, formaj-kig ha boestadoù sardined mesk-ha-mesk. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 142.)
- Dremmoù seder a weled war dreuzoù an norozioù endra gleved mouezh ar c'hleier e tourig an iliz. — (Jakez Konan, Lannevern e kañv ha danevelloù all, Al Liamm, 1980, p. 49.)
- Azezet oa er sal-debriñ e-tal ar prenestr, an hini a weled anezhañ dor al liorzhig, ha pelloc'h un tamm eus tachenn al Lazhdi. — (Roparz Hemon, Viktor ha Petronilh, Al Liamm, niv. 387, Gouere - Eost 2011, p. 48.)