marmouz
Brezhoneg
|
Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ». |
Etimologiezh
- → Etimologiezh da glokaat (Ouzhpennañ)
Anv-kadarn 1
marmouz /ˈmarmus/ gourel (furm vihanaat : marmouzig, liester : marmouzed, marmouzien)
- Bronneg eus an isurzhad Simili, diorroet e empenn, divlev e zremm, dezhañ treid ha daouarn hegrog, a vev er broioù tomm peurvuiañ, ha zo meur a spesad anezhañ
- [...] rak ar marmouz a grap war n'eus forzh peseurt gwezenn, [...]. — (Jarl Priel, Va Zammig Buhez, Al Liamm, 1954, p. 118.)
Troidigezhioù
Anv-kadarn 2
marmouz /ˈmarmus/ gourel (furm vihanaat : marmouzig, liester : marmouzien) ((dre skeudenn-lavar), diwar-benn an dud)
- Paotr bihan
- Ur wech e klevis ur vamm-gozh all o teskiñ e bater d'he mab-bihan hag a zistage evelhen Fiat voluntas tua : « Lavar evelton 'ta, mab ar c'hast marmouz : Fiakr a lonkas Tual ! » — (Jarl Priel, Va Zammig Buhez, Al Liamm, 1954, p. 75.)
- Paotr bihan diseven (dre zismeg):
- − Kerzh da gac'hat 'ta, marmouz bihan ! — (Fañch an Uhel, Kontadennoù ar Bobl/2, Al Liamm, 1985, p. 21.)
- Ur marmouz bennak en devoa libistret ar prenestr a gaoc'h-saout. — (Jules Gros, Le trésor du breton parlé Deuxième Partie, 1970, p. 317.)
- Ar marmouz a zo anezhañ . — (Jules Gros, Le trésor du breton parlé Première Partie, 1966, p. 99.)
- Klev ar marmouz fall-mañ 'ta! — (Jules Gros, Le trésor du breton parlé Deuxième Partie, 1970, p. 342.)
- Hennezh zo un tamm mat a varmouz. — (Jules Gros, Le trésor du breton parlé Deuxième Partie, 1970, p. 342.)
- Memes tra eo euzhus klevet ur marmouz evel-se o leuskel kement-se a vallozhoù. — (Jules Gros, Le trésor du breton parlé Deuxième Partie, 1970, p. 342.)