pebezh

Brezhoneg

Etimologiezh

Diwar ar ger goulenn pe hag an anv-kadarn pezh.

Adverb

pebezh /ˈpeːbɛs/

1. Anv-gwan estlammiñ a dalvez da c'heriañ dibarder unan bennak pe un dra bennak.
   • — [...], pebezh vad a rafec'h dimp, [...]. — (Fañch an Uhel, Kontadennoù ar Bobl/1, Al Liamm, 1984, p. 19.)
   • — Jezuz, pebezh da fortun ! [...] ! — (Fañch an Uhel, Kontadennoù ar Bobl/1, Al Liamm, 1984, p. 94.)
   • Pebez dispac'h ha pebez freuz a reaz va zenn etouez ar zoudarded! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 89.)
   • — « [...] ? Gwelit pebeuz brezel spountus a zo great dreoll ouz relijion santel an Aotrou Doue ! [...] ! » — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 66.)
   • Pebeuz fouge enno pa welent a ziabell ar goulou o lugerni e prenestrou an ti bras ! — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 67.)
   • Pebez ginaouek ! pebez diod ! ne onzoun ket penaoz va mignon Pendolog a c'hell derc'hel en e di eur banezen evel hennez. — (Klaoda ar Prad, Marvailhou ar Vretoned e-tal an tan, Sant-Brieg, 1907, p. 100.)
   • — Sellet, emean, pebez talvoudegez an neus ine an den! [...]. — (Erwan ar Moal, Pipi Gonto, Kemper, 1925, p. 67.)
   • Pebezh louarn kaer gant e vantell rouz war e gein, melen-plouz dindan e gov, du-pod beg e fri, begoù e zivskouarn ha beg e lost. — (Tad Medar, An Tri Aotrou, 1981, p. 114.)
   • KATO (goude beza tufet he genaouad dour). — O pebez burzud a zo c'hoarvezet !... [...]. — (Jarl Priel, An Dakenn dour, Sav niv. 25, Diskar-Amzer 1942, p. 18.)
   • Ha pebez lein ! Friko betek naontek gwenneg ! Da zebri ha da eva a oa n'eus forz pegement ! — (Tad Medar, Diwar c'hoarzin..., Ar Vuhez Kristen, Rosko, 1945, p. 191.)
   • Pebez kalonad d'ur vamm ! — (Jules Gros, Le trésor du breton parlé Troisième Partie, 1974, p. 123.)
   • Goude-se, goude-se hepken e soñjis pebezh taolenn sebezus a zlee bezañ ac'hanomp. — (Pêr Denez, Glas evel daoulagad c'hlas na oant ket ma re, Al Liamm, 1979, p. 90.)
   • « Va Doue ! E pebezh amzer e vevomp ! Na chomit ket war an treuzoù, deuit en ti ». — (Jakez Konan, Ur marc'hadour a Vontroulez, Al Liamm, 1981, p. 34.)
   • Pebezh nozvezh, o va Doue — (Lan Inizan, Emgann Kergidu 1, Brest, 1877, eil emb. Al Liamm 1977, p. 39.)

Troioù-lavar

• pebezh cholori
• pebezh kemm
• na pebezh

Notenn

• Implijet e vez dirak un anv-kadarn en ul lavarenn estlammiñ dizalc'h pe en un islavarenn estlammiñ ha gallout a ra bezañ kreñvaet gant ar rannig estlammiñ na.

Rimadelloù

• Ma Doue benniget!
  Pebezh torad filiped!
  Triwec'h vi am boa laket
  Ha naontek filip am eus bet. — (?, p. ?.)

Troidigezhioù

• galleg : quelle(s) ! ^(fr) , quel(s) ! ^(fr)

Gwelet ivez

• na pebezh