gant aon na

Brezhoneg

Etimologiezh

Eus gant aon ha na.

Stagell isurzhiañ

gant aon na, /ɡãn(d)‿ˈãwn‿na/

1. Betek-gouzout (na)
2. -gant -fe
   • Deomp buan da Arc'hantel gand aoun na glevfe ac'hanomp ha na deufe he fri er-maez da c'houzout piv a zo oc'h ober trouz amañ. — (Lan Inizan, Emgann Kergidu 1, Brest, 1877, eil emb. Al Liamm 1977, p. 162.)
   • — Touer Doue, serrit ho kinou gand aoun na gouesfe varnomp tan an env. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 64.)
   • [...], gant aon na c'hoarvezfe ganeoc'h netra a gement a ve evit miret ouzoc'h da vont da gaout ho preur pe da zont en-dro, [...]. — (G. MILIN, Gwechall-goz e oa..., Kemper, 1924, p. 23.)
   • — [...]. Gant aon na c'hellfes ket dont a-benn da-unan eus ar gavadenn, e c'helli kemer ali digant furnez ar re all, [...]. — (Ivon Krog, Eur Zac'had Marvailhou, Buhez Breiz, Kemper, 1924, p. 20.)
   • − Marteze, emean, e vije mad plantan ar vaz, gant aon na dremenfemp er gêr hep goût doare d'imp. — (Erwan ar Moal, Pipi Gonto, Kemper, 1925, p. 107.)
   • Me a vez en aon ivez, gant aon na vefe laeret e wenneien dezhañ. — (Jules Gros, Le trésor du breton parlé Deuxième Partie, 1970, p. 21.)
   • Gant aon ne vefe bet gwallgomzet c'hoazh eus e vamm hep n'he dije gellet houmañ en em zifenn, [...]. — (Langleiz, Romant ar Roue Arzhur/levrenn I : Marzhin, Al Liamm, 1975, p. 23.)
3. -gant -je
   • Gant aon na gouskje hec’h unan, — (Fañch an Uhel, Soniou Breiz-Izel 2, Pariz, 1891, 1971, p. 126.)
   • [...] ; den zoken n'en doa kredet lavaret dezho edo an dispac'h dre ar vro gant aon na vijent aet kui eus o leandi [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 34.)
   • Gant aon n’en divije ket gellet e-unan harpañ ouzhomp. — (Lan Inizan, Emgann Kergidu 1, Brest, 1877, eil emb. Al Liamm 1977, p. 209.)
   • Goude emgann Kergidu, gant aon na deuje ar vro d'en em sevel a-bezh a-enep ar Republik, e voe degaset da Gastell seizh pe eizh mil soudard, ha forzh kanolioù ganto. — (Lan Inizan, Emgann Kergidu 1, Brest, 1877, eil emb. Al Liamm 1977, p. 225.)
   • En em gavet eno, an Aoutrou de Kerbalanek a lavaraz oa guelloc'h d'eomp dont enn dro gand aoun na viche deuet, euz a Vontroulez, soudarded da Canclaux, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 1.)
   • [...], gand aoun n'am biche izoum da velet sklear eun tu-bennag, epad an noz. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 22.)
   • [...], gant aon na vije eno unan bennak o c'hortoz boutan anean ive etre an diou roc'hell euzus. — (Erwan ar Moal, Pipi Gonto, Kemper, 1925, p. 8.)
   • [...], gant aon na vije diskuilhet da bôtred ar « Gonvension », konsorted Robespier. — (Erwan ar Moal, Pipi Gonto, Kemper, 1925, p. 152.)
   • Eus ar bôtred, unan a veze bepred er-mêz o c'hedal, gant aon na digouezje eur reuz fall bennak warnomp hep goût doare d'imp. — (Erwan ar Moal, Pipi Gonto, Kemper, 1925, p. 153.)
   • — [...], gant aon na vije klevet e zonj. [...]! — (Erwan ar Moal, Pipi Gonto, Kemper, 1925, p. 181.)
   • — « [...], evelato ne greden ket lavarout ger deoc'h diwar-benn an hini a garen, gant aon n' ho pije tamallet ac'hanon. [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 12.)
   • Un tamm a-raok arruout er pleg-se, Jozon a daolas e votoù hag a yeas diarc'hen, gant aon na glevje an hini gozh. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 26.)

Troidigezhioù

• galleg : de crainte que ^(fr) , de peur que ^(fr)
• saozneg : for fear that ^(en)