kaeroc'h
Brezhoneg
Etimologiezh
- Savet diwar an anv-gwan kaer hag an dibenn-ger -oc'h.
Furm anv-gwan
kaeroc'h /ˈkɛ.rːɔx/
- Derez-uheloc'h an anv-gwan kaer.
- Evel-se e vezo great ; heuilh a rin da ali. Ha mil bennoz da Grouer d'it, evnig keant, da veva koz ha da gana kaeroc'h bemdez ! Kenavo ! — (Ivon Krog, Eur Zac'had Marvailhou, Buhez Breiz, Kemper, 1924, p. 14.)
- — [...]; va c'hoar Henori a zo eun tamm brao kaeroc'h, ha pa ho peus c'hoant e teufe ama da zimezi ganeoc'h, e teuio, mar fell d'ezi dont; [...]. — (G. MILIN, Gwechall-goz e oa..., Kemper, 1924, p. 12.)
- Ne gredan ket e c'hellje beza, evit eun « danvez beleg », kaeroc'h ha talvoudusoc'h kenteliou. — (Lan ar Bunel, Laouig ar Penker eun danvez beleg, Moulerez straed ar C'hastell, Brest, 1929, p. 23.)
- Ret mat eo din 'ta diskleriañ an traoù evel m'int c'hoarvezet ha tremen hep o livañ en doare ma vefent kaeroc'h da welout, pe blijusoc'h da lenn. — (Jarl Priel, Va Buhez e Rusia, Al Liamm, 1955, p. 1.)
- [...] ; darn a 'n em vezvias c'hoazh al Lun, 'vit 'n em lakaat en doare d'ober kaeroc'h enor d'ar "priñs", an deiz war-lerc'h. — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 50.)
- Kaeroc'h eget :
- — [...]. Eno am eus ur c'hoar hag a zo koantoc'h ha kaeroc'h egedon. — (Fañch an Uhel, Kontadennoù ar Bobl/1, Al Liamm, 1984, p. 19.)
- Hag e tiskennjont ar c'helorn, buan, dre ma soñjent ez oa c'hoazh er puñs ur briñsez bennak kaeroc'h eget ar re all. — (Fañch an Uhel, Kontadennoù ar Bobl/1, Al Liamm, 1984, p. 22.)
- [...] ; hag antronoz e tigasas d'ar paotr eun dilhad kaer eus ar c'haera, kaeroc'h eget an holl dilhajou a oa bet betek neuze oc'h uza war ar skinvier gant skolaerien yaouank ar Pont. — (Ivon Krog, Eur Zac'had Marvailhou, Buhez Breiz, Kemper, 1924, p. 159.)
- Evelato ez ea a-wechou da besketa, hag, eun devez m'en doa paket ,eur pesk, kalz kaeroc'h eged an daou genta en doa kaset d'ar roue, ez eas gantan adarre. — (G. MILIN, Gwechall-goz e oa..., Kemper, 1924, p. 43.)
- — Ma ! selaouit... Gwechall-goz, pell zo abaoe, e oa eur c'hastell kaer ha krenv meurbed war beg Kleger Tremedern, kaeroc'h ha brasoc'h kalz eget an hini a welet dirakoc'h. [...]... — (Fañch al Lae, Bilzig, Kemper, 1925, p. 116.)
- − Na kaer out en em lakaet hiriv, Onenn ! — Na kaeroc'h kalz na viloc'h eget kustum moarvat, Yann-gozh. — (Brogarour, Onenn, 1936, p. 52.)
- [...], aozañ gant paper seiz, gant koar, gant danvez, gant kregin munud ha zoken gant gloan bleunioù kaeroc'h eget ar re a gutuilher el liorzhoù. — (Jarl Priel, Va Zammig Buhez, Al Liamm, 1954, p. 15.)
- « Me a gave d' in eo kaeroc’h ar maeziou eget kêr ? » emezoun. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 74.)
- Kaeroc'h evit :
- — Mont a ra da gerc'hat ar podad louzoù, frotañ a ra gantañ ar chas, ha kerkent e tistroont arre en buhez, ha yaouankoc'h ha kaeroc'h evit kent. [...]. — (Fañch an Uhel, Kontadennoù ar Bobl/2, Al Liamm, 1985, p. 97.)
- Setu ma voe graet un drivet fest, kalz kaeroc'h evit an daou all, [...]. — (Fañch an Uhel, Kontadennoù ar Bobl/3, Al Liamm, 1988, p. 52.)
- Dirak un anv-kadarn :
- Ne gaf ket d'ign o defe ar verzerien genta savet kaeroc'h kanaouen araok mont d'ar maro. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 245.)
- n'eus ket kaeroc'h skouer d'an dud a lezenn Eget Sant Erwan, skouer ar veleien.. Kantik.
- N'eus forzh, biskoazh n'em boa gwelet kaeroc'h jobezenn, kaeroc'h panezenn, vit ar Job-mañ! Patrom:PIPI 1908
- Kaeroh taol evid evel-se a zo arruet. — (Jules Gros, Le trésor du breton parlé Deuxième Partie, 1970, p. 227.)
- Mari he-deus bet kaeroh chañs evidon-me. — (Jules Gros, Le trésor du breton parlé Deuxième Partie, 1970, p. 227.)
- kaeroc'h eget na ...
- kaeroc'h eget ne ...
- « Sent benniget, » emezañ, « bennigit parrez Pleiben ma vezo c’hoaz kaeroc’h eget ne deo. » — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 30.)
- kaeroc'h evit na ...
- Neuze an den yaouank a lamm da bokat d'e c'hoar, brema eur barr kaeroc'h evit na oa a-raok. — (G. MILIN, Gwechall-goz e oa..., Kemper, 1924, p. 19.)
- kaeroc'h evit ne ...
- — « Ne raimp ket, » emezañ ; « kavout a raimp, a-barzh an noz, peadra da vevañ, ha ti da chom e-barzh. Bezet amañ diouzhtu, » eme Gristof, « ur maner kaeroc'h evit ne deo lez ar roue Grallon e Kêr-Iz, [...]. » — (Troude ha Milin, Labous ar Wirionez ha Marvailhoù all, Skridoù Breizh, 1950, p. 162.)
- En droienn kaer pe gaeroc'h.
- En droienn zo kaeroc'h.