abalamour da

Brezhoneg

Savet diwar ar ger abalamour hag an araogenn da.

Brudet e oa ar ganerez c'hall w:Marie Laforêt koulz abalamour d'he daoulagad evel abalamour d'he mouezh.

Gour	Furm
U1	abalamour din
U2	abalamour dit
U3g	abalamour dezhañ
U3b	abalamour dezhi
L1	abalamour deomp, abalamour dimp
L2	abalamour deoc'h
L3	abalamour dezho, abalamour dezhe
D	abalamour deor

abalamour da /abaˈlãmːurda/

A verk an abeg ; en abeg da (unan bennak, un dra bennak) (dirak un anv-kadarn)
- Ha ne gaf ket d'eoc'h e ve an Aoutrou Doue, abalamour d'ho mammou koz, o skuilla he vennoz hag he drugarez var an dud-se ? — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 75.)
- Abalamour d’ar pez a lavaran d’ehoc’h, den ’ta na finvaz e parrez Plougerne. — (Lan Inizan, Emgann Kergidu 1, Brest, 1877, eil emb. Al Liamm 1977, p. 174-175.)
- [...]: an dimezi end-êun a reas kalz a drouz er vro, abalamour d'an ozac'h yaouank a oa eun den hag a veve en eur c'hiz iskiz, [...]. — (Erwan ar Moal, Pipi Gonto, Kemper, 1925, p. 47.)
- Eno edo Keriz gwechall goz, Iz ar gêr villiget abalamour d'he fec'hedou mezus. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 40.)
A verk ar pal ; evit (dirak un anv-verb)
- Per en doa c'hoant da furcha betek ar fons, abalamour da gaout eur gouign a bep seurt ; [...]. — (Lan Inizan, Toull al Lakez, Brest-Kemper, 1878, Kemper, 1930, p. 13.)
- Abalamour d'achuï kentoh. — (Jules Gros, Le trésor du breton parlé Première Partie, 1966, p. 101.)
- Abalamour din da vond buannoh. — (Jules Gros, Le trésor du breton parlé Première Partie, 1966, p. 101.)
- Eun tenn-min a oa greet e foñs ar garreg abalamour da gaoud dour. — (Jules Gros, Le trésor du breton parlé Deuxième Partie, 1970, p. 513.)