enebour
Brezhoneg
Etimologiezh
- Diwar an anv-kadarn eneb hag al lostger -our.
Anv-kadarn
enebour /ẽˈneːbur/ gourel (liester : enebourien)
- Den, a vez droukrañs ennañ peurvuiañ, a sav a-enep unan bennak all, ur rummad tud, ur gaoz politikel, hag all.
- [...] : met an itron hag hoc'h enebour, daoust dezhe da diskouezañ bezañ joaus ha kontant, a vo kasoni en o c'halonoù. — (Fañch an Uhel, Kontadennoù ar Bobl/1, Al Liamm, 1984, p. 179.)
- — [...], ha me hen pedo da reiñ deoc'h kalon da drec'hiñ war ho enebour bras [...] ! — (Fañch an Uhel, Kontadennoù ar Bobl/3, Al Liamm, 1988, p. 181.)
- (Ent strizh) Den a sav gant armoù a-enep unan bennak, ur rummad tud, ur Stad.
- [...]; hag ouc'hpenn, e brezel edomp, hag, er brezel, pep hini a ra d'he enebour muia ma c'hell a zrouk. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 86.)
- Kerseet bras e tlee koulskoude bezañ Vortigern gant doareoù ar soudarded en doa kaset en arbenn d'e enebour yaouank evit e argas kuit pe e stlepel er mor... — (Langleiz, Romant ar Roue Arzhur/levrenn I : Marzhin, Al Liamm, 1975, p. 31.)
- (Dre astenn-ster) Aozadur a ra gaou ouzh, a glask ober droug d'ur rummad tud, d'un aozadur all.
- (Relijion) An Droukspered.
- SPONTUS e voe kounnar an Enebour, pa zeuas Hor Salver betek dor an Ifern, da gerc'hat Adam hag Eva, evit o c'has d'ar Baradoz, war un dro gant ar re eus o gourvibion a c'hortoze eno E zonedigezh. — (Langleiz, Romant ar Roue Arzhur/levrenn I : Marzhin, Al Liamm, 1975, p. 15.)