amzer dremenet kevrennek

Brezhoneg

Etimologiezh

Anv-kadarn savet diwar amzer, tremenet, ha kevrennek.

Anv-kadarn

amzer dremenet kevrennek

1. amzer-verb savet diwar ar verb en devout hag an anv-gwan-verb
   • An dornerien o deus debret o lein. — (Jakez Riou, Geotenn ar Werc'hez ha danevelloù all, Al Liamm, 1957, p. 37.)
   • Me am-eus bet trawalh a boan o sevel ma bugale, ne oan ket e-sell a gen. — (Jules Gros, Le trésor du breton parlé Deuxième Partie, 1970, p. 459.)
2. amzer-verb savet diwar ar verb bezañ hag an anv-gwan-verb (evit verboù evel bezañ, mont, dont, chom, kouezhañ, degouezhout, c'hoarvezout, erruout, tremen, ...)
   • bezañ : bet on, me zo bet ..., ez eus bet ...
     • C'houi n'oc'h ket bet betek feunteun Sant-Haran, Jarlig kozh ?... N'oc'h ket bet o c'hervel an Dukez ? — (Fañch al Lae, Bilzig, Kemper, 1925, p. 46.)
     • Pelec'h oc'h bet? — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 137.)
     • Pelec'h oc'h bet e-giz-se? — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 137.)
   • mont : aet on, hi zo aet ...
     • − Allas ! Unan a zo aet arre ! — (Fañch an Uhel, Kontadennoù ar Bobl/1, Al Liamm, 1984, p. 16.)
   • dont :
     • Me a zo deut, Itron, da c’houlenn ur banne soubenn ‘vit ur vaouez paour a zo chomet klañv-fall ‘barzh ma zi. — (Fañch an Uhel, Kontadennoù ar Bobl/3, Al Liamm, 1988, p. 29.)
   • chom :
     • An teñzor a zo chomet kuzhet. — (Jakez Riou, An Ti Satanazet, Skridoù Breizh, 1944, p. 46.)
   • kouezhet :
     • "[...] met kouezhet eo da blu war da votoù..." — (Ernest ar Barzhig, Minna ha danevelloù all..., Mouladurioù Hor Yezh, 1988, p. 106.)
   • degouezhout :
     • Ma mitijenn, d'in-me laret,
       Gant ar mewelienn 'zo digwet? — (Fañch an Uhel, Gwerziou Breiz-Izel 1, An Oriant, 1868, p. 6.)
   • tremen :
     • Ma flah, c'hwi n'oh ket tremenet hep pikou partoud ! — (Jules Gros, Le trésor du breton parlé Deuxième Partie, 1970, p. 413.)
   • verboù gant en em :
     • N'ouzon ket pelec'h eo en em dennet ar c'hazh. — (Jules Gros, Le trésor du breton parlé Deuxième Partie, 1970, p. 515.)
   • verboù en -aat
     • Kosaet eo da-vad. — (Jules Gros, Le trésor du breton parlé Troisième Partie, 1974, p. 201.)
3. amzer dremenet kevrennek ar stumm-boaz : amzer-verb savet diwar ar verb en devout er stumm-boaz hag an anv-gwan-verb, implijet dreist-holl en islavarennoù

   war-lerc'h ma

   • Evel ( m' ) am bez evet kafe kreñv e komañs ma c'halon da galkenniñ. — (Jules Gros, Le trésor du breton parlé Troisième Partie, 1974, p. 192.)

   war-lerc'h pa :

   • Kenta medesin. — [...]. Kousket mat a rit ?
     Kerlaban. — Ya ! p'am bevez koaniet mat. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 19.)
   • An douar-mañ pa e-nevez greet glao ha pa zeu da zeha a ya ken kaled ha houarn. — (Jules Gros, Le trésor du breton parlé Première Partie, 1966, p. 39.)
   • Pa '-nevez bet savet eun den lod a bemp bugel gand poan e zivreh... — (Jules Gros, Le trésor du breton parlé Deuxième Partie, 1970, p. 321.)
   • Ar sardin pa o-devez tourtet ar roued ha pa ne vezont ket eet e-barz, e pendallont. — (Jules Gros, Le trésor du breton parlé Deuxième Partie, 1970, p. 407.)
   • Pa on-devez debret on tamm pred amañ ouz an daol on-devez (or-bez) riou d'on diouhar. — (Jules Gros, Le trésor du breton parlé Deuxième Partie, 1970, p. 505.)
   • Pa e-nevez evet ur bannac'h e vez droug evel ur bleiz. — (Jules Gros, Le trésor du breton parlé Troisième Partie, 1974, p. 193.)
4. amzer dremenet kevrennek ar stumm-boaz : amzer-verb savet diwar ar verb bezañ er stumm-boaz hag an anv-gwan-verb, implijet dreist-holl en islavarennoù
   • Pa vez aet...

   • Re ziwezhat eo da harz
     Pa vez aet ar beg e-barzh

   • Pa vezan bet
   • Pa vezan chomet

Krennlavar

• Ur yar pa he devez dozvet a zo ret dezhi kanañ. — (?, p. ?.)

Divinadelloù

• Petra a ra al louarn pa e-nevez kac'het war Menez-Arre ? - Serriñ e revr ha mond adarre. — (Jules Gros, Le trésor du breton parlé Troisième Partie, 1974, p. 334.)