en em

Brezhoneg

Etimologiezh

Diwar en hag em.

Rannig

en em

1. rannig-verb a lakaer dirak verboù zo da verkañ pe an emober, pe ar c'henemober;
2. e yezhadurioù zo e vez aliet chom hep lakaat a pe e/ez/ec'h dirak en em, koulskoude e vez lakaet divorc'hed gant skrivagnerien zo:

   war-lerc'h a :

   • Ar veleien, a-bezh, a en em savas a-enep urzhoù ken direol : [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 13.)
   • Mes an holl a en em savas adarre en o enep, [...]. — (Lan Inizan, Emgann Kergidu 1, Brest, 1877, eil emb. Al Liamm 1977, p. 118.)

   war-lerc'h ec'h :

   • Evit dont a-benn eus ar veleien, evel m'oant deuet a-benn eus madoù an Iliz, ec'h en em lakejont e doare da lamet digant ar pab hag an eskibien, o galloud warnezho. — (Lan Inizan, Emgann Kergidu 1, Brest, 1877, eil emb. Al Liamm 1977, p. 13.)
   • Mes, a-benn daou vloaz goude, ec’h en em dennas en ur c’hoad don, el lec’h ma choazas evit ober he ermitaj ur garreg kleuz ha ne oa en dro dezhi nemet bodennoù drez ha spern. — (Gabriel Morvan, Buez ar Zent, Brest, 1894, p. 600-601.)
   • [...], ac'hane ec'h en em astenn ar gweled war ar vro a-bezh, pa vez kaer an amzer da vihanañ. — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 15.)

3. war-lerc'h oc'h :
   • Ar zoudarded a gleven o vont d'ar red dre an hent braz varzu Guitevede, en eur grial, oc'h en em c'hervel an eil egile hag en eur leusker tennou fuzil. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 136.)
   • Oh en em ganna e oant, korv-ouz-korv, peg an eil en egile. — (Jules Gros, Le trésor du breton parlé Deuxième Partie, 1970, p. 269.)
4. a-wechoù e vez berraet oc'h en em en o'n em
5. war-lerc'h pa:

   • Edomp o vont e-biou Sante-Kroaz — e gallek Sainte-Croix, — pa en em gavas ganeomp, war an hent, un den oadet a hanter-kant vloaz, pe war-dro, kamm ha tort he fri, hag ul lagad luch en he benn. — (Lan Inizan, Emgann Kergidu 1, Brest, 1877, eil emb. Al Liamm 1977, p. 40, 56.)

Verboù gant en em

1. en em argarzhiñ, diwar argarzhiñ
2. en em astenn, diwar astenn
3. en em bakañ, diwar pakañ
4. en em bilat, diwar pilat
5. en em binvidikaat, diwar pinvidikaat (ral, pinvidikaat zo a-walc'h)
6. en em blijout, diwar plijout
7. en em bokat, diwar pokat
8. en em bourc'hañ, diwar pourc'hañ
9. en em chabousat, diwar chabousat
10. en em chalañ, diwar chalañ
11. en em chaokat, diwar chaokat
12. en em c'hervel, diwar gervel
13. en em c'holeiñ, diwar goleiñ
14. en em c'houlenn, diwar goulenn
15. en em c'houzañv, diwar gouzañv
16. en em dapout, diwar tapout
17. en em dennañ, diwar tennañ
18. en em derriñ, diwar terriñ
19. en em deuler, diwar teuler
20. en em deurel, diwar teurel
21. en em deurkañ, diwar teurkañ
22. en em dommañ, diwar tommañ
23. en em dourtal, en em dourtañ, diwar tourtal, tourtañ
24. en em dreiñ, diwar treiñ
25. en em dremen, diwar tremen (ral)
26. en em erbediñ, diwar erbediñ
27. en em faziañ, diwar faziañ
28. en em fougeal, diwar fougeal
29. en em gannañ, diwar kannañ
30. en em gargañ, diwar kargañ
31. en em garout, diwar karout
32. en em gatailhat, diwar katailhat (?)
33. en em gazañ, diwar kazañ, kazout
34. en em gavout, diwar kavout
35. en em geitañ, diwar keitañ
36. en em gemer, diwar kemer
37. en em glask, diwar klask
38. en em glemm, diwar klemm; implijet e Leon;
39. en em glevout, diwar klevout
40. en em goantaat, diwar koantaat
41. en em goll, diwar koll
42. en em grennañ, diwar krennañ
43. en em greñvaat, diwar kreñvaat
44. en em grougañ, diwar krougañ
45. en em gustumiñ, diwar kustumiñ
46. en em guzhat, diwar kuzhat
47. en em heñchañ, diwar heñchañ
48. en em ingaliñ, diwar ingaliñ
49. en em juntañ, diwar juntañ
50. en em laerezh, diwar laerezh
51. en em lakaat, diwar lakaat
52. en em lardañ, diwar lardañ
53. en em lazhañ, diwar lazhañ
54. en em leuskel, diwar leuskel
55. en em lezel, diwar lezel
56. en em lipat, diwar lipat
57. en em louzaouiñ, diwar louzaouiñ
58. en em ober, diwar ober
59. en em rannañ, diwar rannañ
60. en em reiñ, diwar reiñ
61. en em rentañ, diwar rentañ
62. en em riklañ diwar riklañ
63. en em ripañ diwar ripañ
64. en em ruzañ diwar ruzañ
65. en em sachañ, diwar sachañ
66. en em serriñ
67. en em sevel, diwar sevel
68. en em sikour, diwar sikour
69. en em silañ, diwar silañ
70. en em skarzhañ, diwar skarzhañ
71. en em skoaziañ, diwar skoaziañ
72. en em skoulmañ
73. en em skuizhañ, diwar skuizhañ
74. en em soñjal, diwar soñjal
75. en em souchañ, diwar souchañ
76. en em stagañ, diwar stagañ
77. en em stardañ, diwar stardañ
78. en em stipañ, diwar stipañ
79. en em stlabezañ
80. en em strinkañ, diwar strinkañ
81. en em strinkellañ, diwar strinkellañ
82. en em unaniñ, diwar unaniñ
83. en em vagañ, diwar magañ
84. en em vataat, diwar mataat
85. en em vazhata, diwar bazhata
86. en em veinañ, diwar meinañ
87. en em veskañ, diwar meskañ
88. en em veuziñ, diwar beuziñ
89. en em vevañ, diwar bevañ
90. en em vezhur, diwar mezhur
91. en em vezviñ, diwar mezviñ
92. en em virout, diwar mirout
93. en em voazañ, diwar boazañ
94. en em vodañ, diwar bodañ
95. en em vravaat, diwar bravaat
96. en em walc'hiñ, diwar gwalc'hiñ
97. en em wareziñ, diwar gwareziñ
98. en em welet, diwar gwelet
99. en em welout, diwar gwelout
100. en em wiskañ, diwar gwiskañ
101. en em zaremprediñ, diwar daremprediñ
102. en em zastornat, diwar dastornat
103. en em zastum, diwar dastum
104. en em zebriñ, diwar debriñ
105. en em zerc'hel, diwar derc'hel
106. en em ziaezañ, diwar diaezañ
107. en em zibab, diwar dibab
108. en em ziduiñ, diwar diduiñ
109. en em zifenn, diwar difenn
110. en em zifretañ, diwar difretañ
111. en em zigareziñ, diwar digareziñ
112. en em zigoll, diwar digoll
113. en em zirenkañ, diwar direnkañ
114. en em zisac'hañ, diwar disac'hañ
115. en em zisammañ, diwar disammañ
116. en em ziskargañ, diwar diskargañ
117. en em ziskouez, diwar diskouez
118. en em ziskuliañ, diwar diskuliañ
119. en em zisoñjal, diwar disoñjal
120. en em zispartiañ, diwar dispartiañ
121. en em zisprizout, diwar disprizout
122. en em zisrannañ, diwar disrannañ
123. en em zistrujañ, diwar distrujañ
124. en em ziwall, diwar diwall
125. en em ziwiskañ, diwar diwiskañ
126. en em zizleañ, diwar dizleañ
127. en em zizober, diwar dizober

Peurvuiañ e vez implijet ar rumm verboù-se gant ar verb-skoazell bezañ. Skouerioù gant en devout/ kaout a gaver a-wechoù koulskoude.