ganen

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Etimologiezh

Furm araogenn : → Etimologiezh da glokaat (Ouzhpennañ)

Furm-verb 1 : savet diwar gan-, pennrann ar verb genel, hag an dibenn-ger -en.

Furm-verb 2 : eus kanen gant ur c'hemmadur dre vlotaat (k > g).

Furm araogenn

Gour	Furm
U1	ganin, ganen
U2	ganit, ganez
U3g	gantañ
U3b	ganti
L1	ganeomp, ganimp
L2	ganeoc'h
L3	ganto, gante
D	ganeor

ganen /ɡãˈnẽːn/

1. Furm an araogenn gant, displeget er c'hentañ gour unan.
   • — Arsa, Jakez kaezh, me 'vat a zo c'hoarvezet un taol ganen ! — (Fañch an Uhel, Kontadennoù ar Bobl/3, Al Liamm, 1988, p. 201.)
   • Edon o vont er punz heb va fuzil; mez eun dra a deuaz em penn hag he c'hasiz ganen. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 50.)
   • — Anna, c'houi epken a c'hoar peger braz glac'har eo gan-en ho kuelet o vont kuit; [...]! — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 175.)
   • Kenta medesin. — Hennez a dle beza louzaouet ganen-me ha ne fell ket d'in e rafe eur c'hlanvour goap ac'hanon evelse ! — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 25.)
   • — « Evelkent », a responte Laouig, « ez eus meur a vloavez abaoue ma tispignit ganen.» — (Lan ar Bunel, Laouig ar Penker eun danvez beleg, Moulerez straed ar C'hastell, Brest, 1929, p. 62.)
2. Bezañ ganen (diwar-benn ar madoù, an traoù piaouet pe get evit ur pennad)
   • — [...] ; emañ zoken o mein ganen, hag ivez o nerzh ; [...]. — (Fañch an Uhel, Kontadennoù ar Bobl/1, Al Liamm, 1984, p. 125.)
   • Dont a riz da gaout aoun, nann abalamour dign va-unan, rag va fuzil a ioa ganen, hag, [...]. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 37.)

Stummoù all

• ganin

Stummoù rannyezhel

• genin

Gerioù kevrennek

• diganen
• ganen-me

Troidigezhioù

• galleg : avec moi ^(fr)

Furm verb 1

Kemmadur	Furm
hep	ganen
dre vlotaat	c'hanen
dre c'hwezhañ	digemm
dre galetaat	kanen
amreizh	c'hanen

ganen /ˈɡãːnɛn/

1. Furm ar verb genel e kentañ gour unan an amdremened, en doare-disklêriañ.

Furm verb 2

Kemmadur	Furm
hep	kanen
dre vlotaat	ganen
dre c'hwezhañ	c'hanen
dre galetaat	digemm
amreizh	digemm

ganen /ˈɡãːnɛn/

1. Furm kemmet ar verb kanal pe kanañ pe kaniñ e kentañ gour unan an amdremened, en doare-disklêriañ.