pep a ...

Brezhoneg

Etimologiezh

Savet diwar an anv-gwan pep hag an araogenn a.

Troienn

pep a ... /ˈpeːba/ (a-wechoù bep a ... )

1. Troienn a dalvez da c'heriañ an ingalañ (dirak un anv-kadarn hep ger-mell dirakañ, dirak ur raganv)
   • Gant pep a visac'h war ho skoaz,
     A zo, bete vrema, abaoe choumet c'hoaz. — (G. Milin, Marvaillou grac'h-koz, Brest, 1867, p. 12.)
   • Mar gell an aotrou manac'h reiñ deomp pep a damm ha pep a wele, me 'garfe chom amañ da lojañ e-kreiz ar c'hoadoù. — (Lan Inizan, Emgann Kergidu 1, Brest, 1877, eil emb. Al Liamm 1977, p. 48.)
   • Ober a rejont ive-ta peb a gofad mad. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 143.)
   • War-dro nav miz goude kement-mañ, an daouzek leanez a c'hanas pep a vab ar c'haerañ. — (Fañch an Uhel, Kontadennoù ar Bobl/1, Al Liamm, 1984, p. 49.)
   • — Komeromp pep a fuzuilh, hag eomp da chaseal d'ar c'hoad. — (Fañch an Uhel, Kontadennoù ar Bobl/2, Al Liamm, 1985, p. 23.)
   • — Ma ! Ma bugaligoù geizh, it neuze en gras Doue ; setu aze pep a c'hwec'h real ; ma holl arc'hant int. — (Fañch an Uhel, Kontadennoù ar Bobl/3, Al Liamm, 1988, p. 11.)
   • — Hag a zo mat ! a lâras ar pesketaer ; pep a ebeul ha pep a gi da bep hini ma bugale. — (Fañch an Uhel, Kontadennoù ar Bobl/4, Al Liamm, 1989, p. 48.)
   • — [...]. Pep a varrikenn a vo gante, war balv o dorn, evit lakat an dour. — (Fañch an Uhel, Kontadennoù ar Bobl/5, Al Liamm, 1994, p. 54.)
   • Eunn devez ma n'oa nemethan enn ti, e roaz peb a labous iar da eur vandenn beorien a ioa deuet da doull ann or, abalamour n'edo ket alc'houez armel ar bara ganthan. — (Gabriel Morvan, Buez ar Zent, Brest, 1894, p. 647.)
   • — [...]. Setu eno petra 'zo, anez ni a vije bet en em gavet ama gant ar re all, o deus bet peb a damm diganeoc'h. [...]. — (G. MILIN, Gwechall-goz e oa..., Kemper, 1924, p. 78.)
   • A-rôk kuitaat an ti, Izabel a roe d'ar vugale peb a skudellad vad a zoubenn al lard, trawalc'h evit mont betek kreiste, da Gatellig e roe da zena. — (Fañch al Lae, Bilzig, Kemper, 1925, p. 19.)
   • Monet a reas d'ar marchosi, hag e laoskas da vale Keun ha Dienez, o rei d'ê peb a daol war o chouk. — (Erwan ar Moal, Pipi Gonto, Kemper, 1925, p. 23.)
   • — Daou aman, gant peb a zabrenn, da ziwall ar re-man; [...]! — (Erwan ar Moal, Pipi Gonto, Kemper, 1925, p. 158.)
   • Setu lakeet d'o zro an daou bôtr war beb a skaon en daou du d'an tan, [...]. — (Erwan ar Moal, Pipi Gonto, Kemper, 1925, p. 158.)
   • [...], ul lostennad gwragez gant pep a banner (!) war goubl o brec'h [...]. — (Jarl Priel, Amañ hag Ahont, Al Liamm, 1957, p. 275.)
   • Unan eus reolennoù ar gouent a gemenne e vije fiziet er yaouankizoù-se, a oa da vezañ ministred an Aotrou Doue, da lavarout eo ar vegenn eus ar Gristenien, pep a sizhuniad labourioù izel, da voazañ o c'halonoù ouzh ar sentidigezh hag an izelegezh. — (Youenn Drezen, Sizhun ar Breur Arturo, Al Liamm, 1971, p. 21.)
   • Mar karez ez aimp da glask peb a wele e kêr. — (Jules Gros, Le trésor du breton parlé Troisième Partie, 1974, p. 121 ha 122.)
   • Ar vein (mein) en aot o-deus toud peb a ano. — (Jules Gros, Le trésor du breton parlé Troisième Partie, 1974, p. 121 ha 122.)
   • Plijout a rae dezhañ mont da gaozeal bep beure d'an ti-forn : ar merc'hed 'arrue abred, d'ar sav-heol war bep a gazeg, da boazhat bara ar sizhunvezh. — (Erwan Berthou, En bro Dreger a-dreuz parkoù, Mouladurioù Hor Yezh, 1985, p. 89.)
   • Mestr Kernoter a oa, moarvat, o vont da blantañ dezho pep a ibil, pa voe klevet, e-touez ar merc'hed, un tammig mouezhig sklaer o lavaret : [...] — (Anatol ar Braz, lakaet e brezhoneg gant Erwan ar Moal, Mojenn an Ankou, Mouladurioù Hor Yezh, 1986, p. 55.)
   • Roet 'voe dezho pep a jiletenn-savetaj tra ma taole Nouel Mengi ar fuzeennoù-galv. — (Goulc'han Kervella, Brezel ar Rigadell, Al Liamm, 1994, p. 139.)
   • Ar braz eus ar studierien oa o pignat gant an diri, aet e oamp d'o heul, pep a werennad kafe berv ganeomp hag em vesket e oamp gant an tropellad. — (Mich Beyer, Seizh Devezh Warn-ugent, An Alarc'h Embannadurioù, 2006, p. 32.)
   • Ur vaouez lart a oa o komz ouzh pevar faotr, pep a bennad blev rous dezho. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 99.)
   • pep a vannac'h

Divinadelloù

• Ur wezenn e penn ma zi, peder berenn enni; e tremenas ar person hag e c'hoar, ar miliner hag e wreg; am-oa roet peb a berenn dezo ha c'hoaz e vane unan ganin ? - C'hoar ar person a oa gwreg d'ar miliner. — (Jules Gros, Le trésor du breton parlé Troisième Partie, 1974, p. 329.)

Troidigezhioù

• galleg : chacun(e) un(e) ... ^(fr)  ; chacun(e) son (sa) ... ^(fr)